You are here: home > Vetso

Moa ve ? - R.N.H

Azo vakiana?

Moa ve mba tsapanao

Ireo teny 'zay natao

Teo ambony alitara

Eny, ho Tompoko ianao?



Moa ve mba vitanao

Ireo voady izay nekena

Tamin'ny nandraisanao

Ilay Tompom-pamonjena?



Moa ve navelanao

Ho Mpanjaka ao am-po,

Ilay Tompom-pahefana

Iraky ny Ray Tsitoha?



Moa ve mba arakao

Ireo Teny 'zay lazainy,

Sa ny Alahady ihany

Ny andro hafa, tsy ilainy?



Tsia, diso ianao,

Raha mihevitra hatrany

Fa hoe : am-bava izany

Fa Andriamanitra Tsitoha

Dia tena saro-piaro koa:

Ka ny Teny izay havoaka

No hanaovany am-pamoaka.

Sokajy : Fiainana, Vavaka

Mombamomba

Mpanoratra : R.N.H

Nampiditra : Fifaliana22
Daty : 27/01/2009
Mpamangy : 939
Mankafy : 0

Tononkalo hafa

O ry Malagasy
Ry Tanora aza avela !