MARAIM-BAOVAO...! (RRAG)
Mbola tsisy niantsa
(Nalaina tao amin'ny vetso.serasera.org)
MARAIM-BAOVAO...!Hafa ihany ilay maraina, na mafy aza ny ady omaly.
Ilavitra ahy ny taraina, ny tavako aza toa mba faly.
Ny enti-miady aina vao, ainga sy teti-pahavononana.
Ka vononà izato ianao, sahia miady ho an'ny ankohonana.
Maraim-baovao mitondra taratra, mitinaratra ny fiainana.
Maraina toa ilavi-baratra, nanovàna ny fisainana.
Manazava ireo tolona, sy ireo sedra hodikaina.
Ilay nanenjehan'olona, ka nivadika ho taraina.
Maraim-bao manala tehina, nitondra fahafahan-tena.
Maraim-baovao nisosàn'ny penina, mba ho hikam-pandresena.
Nandroso hevitra vaovao, fa hiatrika ady hono ianao.
Nalavirin'ny talaho, hafa ihany, ilay maraim-baovao.
Indrindra moa fa eo ianao! Dia miavaka ity maraim-baovao!
RRAG
25 Martsa 2017
--------
Rohy:
