REKO... (RRAG)

Mbola tsisy niantsa

Hangataka antsa
(Nalaina tao amin'ny vetso.serasera.org)
REKO...
Reko io maraina io
ny hiakan'alahelo
nandrotika ny fony!

Miendrika tadio,
aloka mihelo....
Rivotra tsy tony!

Reko ny gogony
mandatsaka tomany
misento am-panembonana!

Voatsindrona ny fony
dia nifongatra ny omaly
namelam-pahatsiarovana!

Nanentona ny fofon'
ny fery aman-taona
noheverina efa maina!

Dia reko ny tolokon'
ny ravina misaona,
fa mihintsam-bony maina!

Fahoriana 'zany no ivelomana eto!
Fifaliana kely dia mivadika ho sento!
Toa hatrany an-drangolahy no hoe izay ny fiainana!
Indrisy takom-pery tsy afaka ho foana ny fanaintainana!
RRAG
17 Jolay 2021
--------
Rohy:
297 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0168