You are here: home > Vetso

Na dia fotsiny aza hoe... - Ryana

Azo vakiana?

NA DIA FOTSINY AZA HOE…

Raha mba fantatrao mantsy ny fahadisom-panantenako,
Zary maizina avokoa izay lalana ombako,
Mitriatra ny ato anaty, mihelakelaka ny fo,
Toy ny adala… very remby ka mivadik’ati-doha,
           Rehefa injay ianao tsy hita,
           Ny fiainako mipitrapitra!

Raha mba fantatrao mantsy f’iny fotoana fohy iny
No mamaritra izay mety ho tonon’ androko amin’iny,
Masoandro antenaiko hanazava ny tontolo,
Hery iray andrandraiko hanarina izay nikoro,
       Ka rehefa tsy mba tazako
       Mangidy hatramin’ny ativavako!

Raha mba fantatrao mantsy f’izaho anie tsy manantena,
Na mangataka ny volana, na zavatra sarotr’omena;
Tsy sanatria koa hitambezo, ka hifikitra, hiraikitra,
Na hanembatsembana anao, na handratra toy ny kaikitra;
      Fa na ny alokao ihany aza
      Dia ataoko ho sahaza!

Raha mba fantatrao mantsy izany rehetra izany,
Angamba ianao tsy homafy fo, fa mba hiserana ihany…
Na dia fotsiny aza hoe… noho ny fihavanana,
Na dia fotsiny aza hoe… entanim-po antra namana,
    Na dia fotsiny aza hoe…
    Satria sambatra ny manome!

Ryana
(18/12/02)

Sokajy : Fitiavana

Hevitra mandeha

moi (17/10/2003 11:58:47)

Na dia ny fihetseham-po teo am-pamakiana ity fotsiny aza ...

Ary efa nahita azy ity ve ilay nanoratanao azy e !

Misaotra ry Ryana.

Ryana (18/10/2003 05:24:26)

Moi,
Efa nahita, angamba... asa????
Misaotra nihetsi-po ê!
Ryana

rbkfoana (31/10/2003 19:21:56)

Maha lasa saina.Tena niainanao ve ilay tantara?

Ryana (02/11/2003 08:20:37)

rbkfoana,
Azo lazaina hoe eny. Izany hoe, raha ny marina, niainako @ ampahany.
MIsoatra nitsidika ê!
Ryana

DadaRabe (20/03/2004 15:36:16)

be fitiavana an! :-)

DadaRabe

Ryana (20/03/2004 15:39:40)

Misaotra an'i DadaRabe nitsidika!
Ryana

hadasy (01/12/2004 09:16:22)

tena marina le tononkalo ho an' ny tena tia , tena sambatra kosa aloha le olon-tinao e , sarobody aminao be izy , raha mbo za manko zany an , ahahahahah.Iza zany olona tianao hamaky io zany ry hery ? olon-tinao ngamba e .Mahereza ry Rayna an , tasar fa tohizo e.

hasinando (30/05/2006 13:05:57)

mampatsiaro ahy olna iry io tononkalonao io merci fa tsara .Mino aho fa tsy ho resy foana isika ety!

Ryana (01/06/2006 05:21:23)

Angaha kosa ry Hasinando dia hoe resy! Indraindray mba mitalaho. Indraindray ihany ho'aho!
Misaotra nitsidika,
Ryana

tinah2 (16/09/2006 08:04:03)

Ryana an!ireny olona tena tena anehoana fitivana be ireny ange de hoatra ny hoe tsy tsapany izany ary izy indray aza no mivaralila . Nefa moa mety mbola hanenenay e !

Ryana (18/09/2006 04:51:59)

MArina ny an'i Tinah2, nefa ihany koa, indraindray ny fitiavana anie diso fiantefa ê! any amin'ny tsy "sahaza" (avo loatra)no mitontantonana!! Ny mandady ety an-tany tsy ho tian'ny misidina eny ambony!
Misaotra an'i Tinah2 nandalo teto.
Ryana

Tohiny