Sain-davitra (Lemady)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha tsapanao mandreraka
ny hazakazaky ny tany
ka manomboka mahafanina
ny fihodiny isan'andro,

Mijanóna kely hilaozany
ny hariva maty masoandro
fa ho avy haka anao
ny vola-tsinankerinandro
rehef'izahay azon-dohan-tory.

Hitondra anao an'habaka,
Hitazan-davitra tsy hiamboho,
ny hazavana sy ny haizina
nifampizaratsika mitovy.

Dia manisà efatra ambin'ny folo
mandra-pifamadi-toerana
ny voataratra amin'ny aloka
Eo ianao no miandry ahy
Fa efa lalako ihany iny.
--------
Rohy:
586 0
Hametraka hevitra
Midira aloha
Momba ny tononkalo
Mpanoratra : Lemady
Nampiditra : lemady
Daty : 19/03/2021 19:41
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104