Elo (SARONDRAHONA RAMBOLAMANANA)

Mbola tsisy niantsa

Hangataka antsa
(Nalaina tao amin'ny vetso.serasera.org)
VOAFITAKA

Toa izahay mpamangy foana ihany
No azon –doza sy voakiana
Ho mpanadala zaza mianatra;
Nefa tokony ho hainao,
Fa ny zanakao variana
Milanjalanja kilalao
Mitety namana sy tapaka !
Fa ny zanakao variana,
Variana saingy tsy hitanao !
Ka ‘zahay mpamangy foana ihany
No voakiana sy voateny
Ho tsy mahalala izay hatao !

Fa ‘zahay matoa mamangy
Dia mamangy noho ny fihavanana !
Mamangy noho ny maha –mpinamana !
Mamangy koa raha mbola manana…
Ka tsy tokony hosakanana !!!

Ny famangiana ve dia sakana
Tsy hahavitàna fianarana
Raha tena zaza mianatra ?
Fa ny zanakao angamba
No mihemotremotra an –daharana…

Ka aza izahay no omena tsiny
Fa iny zanakao iny

SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
--------
Rohy:
Sokajy : Namana
1876 1
Hametraka hevitra
Midira aloha
© Eugene Heriniaina - serasera.org 1999 - 2023 - page load 0.0163