SOAMAHAMANINA (SARONDRAHONA RAMBOLAMANANA)

Nantsain'i
(Nalaina tao amin'ny vetso.serasera.org)
Miha -ratsy ny fandehan'ny ady
Raha izao zavatra hitako izao
Tia Tanindrazana ve
Dia ny tany no atao kilalao?

Ny tany no tsy lavadavahana
Dia mazava fa mbola hilalaovana,
Malagasy no nandatsa-bato
Dia Sinoa ve no hitondra fitaovana?

Lokaloka ny vonona hitondra
Dia izao ve no fahaleovan-tena?
Gaboraraka tsisy ohatr'izany
Ny fitantanana harem-pirenena

Famoretana foana isan'andro
fa tsisy fihainoana vahoaka;
Ny sinoa izao no tompon'ny tany
I SOAMAHAMANINA asaina mitsoaka !

Fitantanana tsy azoko mihitsy
Na volamena na haren-tsarobidy;
Alaina amboletra ny tany
Dia vahiny no masi-mandidy !

Nivadika ity ny tantara
Very ny fomba taloha
Mpanao gazety hanao ny asany
Dia mila alalana avy amin'ny sinoa ?

Tsy kinahin'ny zaza ho njola
Fa handevina ahitra ve hahafanina?
Avereno ny "quarante sept" e !
Hatombohy any SOAMAHAMANINA !!!

NY IRAKA RAMBOLAMANANA
in _SOA MAHAMANINA
--------
Rohy:
Sokajy : Tanindrazana
1340 0
Hametraka hevitra
Midira aloha
Momba ny tononkalo
Mpanoratra : SARONDRAHONA RAMBOLAMANANA
Nampiditra : sarondrahona
Daty : 02/02/2018 13:39
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0105