FOSA FOSA (Sitrak'i Ny AVO)

Mbola tsisy niantsa

Hangataka antsa
(Nalaina tao amin'ny vetso.serasera.org)
FOSA FOSA

Tsy hoe fitiavana hifosa,
Na fitiavana hitsikera,
Amiko, tsy rariny kosa,
Zato zipo mampidera…

Fa tsy haiko ny hoe hijery,
Ka tsy anambara vetivety,
Inoako fa tsy izy irery,
No manao ilay tsy mety,

Tovovavy jefijefy,
Amin’ity volo noboriana,
Sady mbola tsy ampy refy,
No mampidera ny aoriana.

Ny lokomena tsy lazaina,
Izato kavina tsy hay jerena,
Iray kilao raha lanjaina,
Tsy volafotsy, tsy volamena.

No mandeha amin’ny honahona,
Toa hilaza azy ankolaka
“Avy aty ka manatona,
Araho aho raha vao miolaka.”

Ity no hany vahaolana,
Tsy hilana taratasy,
Ka tsy hisian’ireo mpanolana,
“Miverena ho Malagasy.”

Sitrak'i Ny AVO.
--------
Rohy:
1112 0
Hametraka hevitra
Midira aloha
Momba ny tononkalo
Mpanoratra : Sitrak'i Ny AVO
Nampiditra : Sytraka
Daty : 01/08/2013 05:14
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0109