Iny tsikitsikiko iny (Skual)

Nantsain'i ikalamako
(Nalaina tao amin'ny vetso.serasera.org)
Iny tsikitsikiko iny!
Tsy midika fahasambarana
toy ny tsikiko taloha
Tsy tsiky famantarana
hoe faly izany fo
Tsy tsiky vazivazy
na sendra mba soloaka
Tsy tsiky nandeha ho azy
fa noezahako navoaka


Tsiky ala-henatra
manoloana ny barĂ ka
Tsiky indray mitselatra
tsy tena lalim-paka
Tsiky mora andairana
eson-teny variraraka
Tsiky fahatairana
nahita anao nampiaraka


Tsiky nanaromako
ny ratra avy ato anaty
angamba koa tsiky
misaina valifaty
Tsiky mati-kambo
miseho tsy miraharaha
dia mba midingin-drambo
fa misy namana mizaha


Iny tsikitsikiko iny!
Tsiky lefy mora ihany
ary koa mahalankalana
Tsikitsiky fahatany
nandravahako ny lalana
Tsiky fa manganohano
hita soritra amin'ny maso
raha vao niditra ny trano
dia nanjary ranomaso

Tiako anie ianao e!

SKUAL
--------
Rohy:
2491 1
Hevitra mandeha
Skual.R ( 14/09/2013 12:02)
salut daoly e! mba maniry hifandray amitsika panao j'aime ny tononkaloko ato! skual Rakotonirina no anarako any amin'ny facebook
Hametraka hevitra
Midira aloha
Momba ny tononkalo
Mpanoratra : Skual
Nampiditra : Skual.R
Daty : 20/08/2013 17:50
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0127