Tsy kivy e (taratriniaina)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mafy izany lavi-kavana
Toa mangidy ny lavit'olon-tiana
Fa toa tsy misy iantsapazana
Ary tsy misy ifikirana

Fa tebiteby lalandava
Sorisory ,hakaviana
Rahoviana re vao ho miran-tava?
Ka ho lavi-pahoriana?

Ny fonenana nilaozana,
Ireo malala nohadinoina,
Ireo sakaiza dia nafoy
Fa ny- ho avy no koloina

Tsy ho kivy ambony ihany anefa
F a raha misy tsiky iray miantefa
Dia tanako ho hery sy tohana ifaharana
Hamitako ny fianarana

Fa na lavitra e ny dia
Dia ao ny Tompo be fitia
Izay mitsinjo izany lalako
Sy manefy ireo anjarako
--------
Rohy:
Sokajy : Fampaherezana
4571 1
Hevitra mandeha
bichette ( 21/07/2004 07:14)
Mahereza !
NyKanto ( 21/07/2004 07:54)
Aza malahelo ary mahereza hatrany, dia tazony sy araho hatrany ny tanjona efa nokinasanao hovitaina aty an-tany lavitra izay misy anao, mety miserana tokoa ny hakiviana indraindray fa ireny no ataovy fanoitra ho entinao manoroka ny ho avinao mibaliaka!
Ny Kanto.
Malalason ( 21/07/2004 10:12)
aza manambe ianao fa lalanam-piainana izany ary misy mahatsara azy mitrakà
R.JO
hendry ( 21/07/2004 11:59)
Tsara rehefa tsy kivy ka.
Mitsoa ( 29/09/2012 14:28)
ny mahasoa aloha vao ny mahafinaritra e.akory atao?
Hametraka hevitra
Midira aloha
Momba ny tononkalo
Mpanoratra : taratriniaina
Nampiditra : taratriniaina
Daty : 21/07/2004 04:55
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0107