Embona (Vonjisoa ANDJANIRINA (RNMv))

Mbola tsisy niantsa

Hangataka antsa
(Nalaina tao amin'ny vetso.serasera.org)
Toa manjavozavo iry tampon' Ankaratra
Hatonin' ny masoandro mamonjy fodiana
Mamboly embonembona zary ho hafatra
Fa malahelo ilay tany nihaviana

Irahan' ireo sentosento sy tsiahy.
Ny alahelo sy embona efa nandalo
Ireny sy ireny no naniraka ahy
Hamorona rindra ho atao tononkalo

Iry lokon-danitra antampon' ny bonga
Mampitsingerina tsiahy mahamanina
Ireny no alefako ho aterin' ny onjan'
Sento misesy ka mahavalalanina

Iny masoandro dify tsy azo notanana
No tebom-pihaonan' ny any sy ny eto
Fa taratra iray solom-pandraisan- tanana
Manova ho embona ireo sentosento.

30. 08. 2021
--------
Rohy:
533 1
Hametraka hevitra
Midira aloha
Momba ny tononkalo
Mpanoratra : Vonjisoa ANDJANIRINA (RNMv)
Nampiditra : Vonjisoa-Andjanirina
Daty : 26/09/2021 15:30
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106