TIAKO IANAO (Totyjim)

Mbola tsisy niantsa

Hangataka antsa
(Nalaina tao amin'ny vetso.serasera.org)
Tiako ianao ry olona iny
Toa voary tsisy tsiny
Fa niangaran-janahary
Tsara tefy lavorary
Ny fijerinao mambabo
Ny fitsikinao mandavo
Ny famindranao milanto
Fitafy tsotra nefa kanto
Izay lalovanao variana
Toa maka tsirony mangina
Mangalatra manara-maso
Te hiantso mafy hoe andraso
Ny manodidina ahy tontolo
Toa maka ny endrikao daholo
Eny hatrany anatiko any
Mihoatra lavitra an'izany
Tiako tena tiako ianao
Tiako loatra tsotra izao


Totyjim
--------
Rohy:
3321 1
Hevitra mandeha
katiaa ( 17/09/2010 07:38)
misaotra nanoratra fa tsara ilay tononkalo :-)
kiriah ( 17/09/2010 21:35)
sambatra loatra lahy zany olona izany!!!, Misaotra e!
Hametraka hevitra
Midira aloha
Momba ny tononkalo
Mpanoratra : Totyjim
Nampiditra : totyjim
Daty : 17/09/2010 05:54
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0106