FO TIA - Tsikiko

Azo vakiana?

Sombinkazo nambolena amin'ny tany karakaina
Hafanana sesehena, foana, ngazana sy maina
Nefa, mahagaga hoy aho ! Jereo, mikiry ny hamoha
'lay sombinkazo tsy aman-taho, mikasa ny ahavanom-boa

Sombinkazo kely tsotra, tsy mba irony lafo vidy
mila zezika hanotra sy fitoeran-tsarobidy
Jereo fa tany efitra ! Io no tiany haniriana
Tsy mba lafatra sy tretrika fa tarafim-piafiana

Sombikazo anankiray, maniry an-tany ngazana
Mandoro sy mahamay ny masoandro izay mitsangana
Ary ny aliny mazàna, mitondra hatsika koa mamely
Tsy mbola miova ny fitàn'ilay sombinkazo kely

Sombinkazo an-tany maina ny Fitiavanao ry Tompo !
Tany foana, karakaina no mba endrik'ito foko
Nefa dia tia ahy Ianao, tia ahy mandrakizay
Tsy miova anatiko ao, ny fitiavanao ry Ray !

Hevitra mandeha

aikon (05/03/2006 06:49:49)

tsara ny eritreritra fa tohizi

Mombamomba

Mpanoratra : Tsikiko

Nampiditra : tsikiko
Daty : 28/02/2006
Mpamangy : 2563
Mankafy : 0

Tononkalo hafa

Mbola hiaona
tandrifin-drahona
lahin-jiro manentona !
...aoka izy hivavaka
Iny lalana iny mantsy...
Andray !
Mandainga
Jesosy
Ny foko...
Ny foko...