Avelao (Tsiky dia ampy)

Nantsain'i
(Nalaina tao amin'ny vetso.serasera.org)
Avelao izy ho tiako
Fa izay no faniriako
Niaretako ny jaly
sy ny henjiky ny hafa.
Avelao mba holalaiko
Fa tsy mety ny ato antsaiko
Te handray ny endri-piainany
hiombom-po hiombon-tafa.

Avelao izy ho ahy
Fa ny foko izao manahy
Toa tsy afaka intsony
Mbola hanalavitra azy
Avelao mba hokoloiko
Fa tsy mety ny ato am-poko
Te hidola hiara-dalana,
sy hikambana amin'ny azy.

Avelao izy ho mamiko
FA ny zavatra sahaniko
Ts'isy intsony antenaiko
Raha toa tsy eo anilany
Avelao mba ho fananako
Fa tsy mety izao ny tanako
Raha tsy mandray ny tanany
Hisarika azy ho eo anilako.

Avelao
Mba mitalaho
Aoka re mba mbola hitohy
Ny tantara an-kiranay.
Avelao
RAha azo atao
Fa mafy loatra ho ahy ny tolona
Niaretako hatr'izay.
Avelao izy ho tiako
... dia avelao aho ho tiany.
--------
Rohy:
Sokajy : Vavaka - Fitiavana
3863 1
Hevitra mandeha
rfanjav ( 30/10/2003 15:47)
Oay,
aingam-panahy vaovao indray a!
Sao dia mba tena marina e!
rfanjav ( 30/10/2003 15:49)
Aleo aloha ampiana "Tsiky dia ampy" kely fa sao dia ...
Oully ( 16/12/2003 17:49)
"Avelao" kosa izy eh !!!
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0102