HO FAHATSIAROVAKO - Vahatraina Oméga

Azo vakiana?

       HO FAHATSIAROVAKO

Ho fahatsiarovako olona iray
Ho fahatsiarovana mandrakizay
Izay efa nataony na tsara na ratsy
No anton'ity ka ataoko vatsy.

Satria izany sisa no azoko atao
Dia ny mankasitraka izao sy izao
Na hedrika ahoana no isehoan'izany
Dia tiako tokoa sy mamiko hatrany.

Ny vitan'ny tiana vare mba tsiniana ?
Na ratsy na tsara dia toa fifaliana
Izay "tiana" izay no andriamanin'ny fo
Ka tiana daholo izay zava-manjo.

Amin'ny sain'ny efa mitia
Ny vitan'ny tiana hajaina doria
Satriny foana ho tadidy hatrany
Na ratsy aza, aminy dia tsara ihany.


   "Ny ratsin'ny hafa no mampitomany
   "Ny ratsin'ny tiana dia sitraka hatrany.

                  Zozoro

Mombamomba

Mpanoratra : Vahatraina Oméga

Nampiditra : Zozoro
Daty : 24/08/2008
Mpamangy : 978
Mankafy : 0

Tononkalo hafa

ZOKIKO Ô !
MBA VOLANA HONO AHO KA VOLANA !...
RY NANDAO
HO FAHATSIAROVANA AN'I EDY
IZAO AHO
MANEMBONA AHO
LASA ILAY MPAMORON-KIRA
NY FANIRIAKO
INY HONO IZY
HAFATRA