AVELAKO HO ANAO (Vonjisoa ANDJANIRINA (RNMv))

Nantsain'i
(Nalaina tao amin'ny vetso.serasera.org)
Atambatro ho iray ireo samihafa maro
Ireo niarahantsika niaina hatramin'izay
Ireo izay tsy nitovy dia eto no hafangaro
Ireo faka maromaro, ho fototra iray

Ny tsiky natamberin'ny molotrao ireo
Soratako ato am-poko mba ho sary miaina
Ataoko kalokalo no sady asiako feo
Vao ampodiako any ho azonao hiraina

Ireo minitra mamy niarahana nandia
Ireo ora sarobidy niarahana nandalo
Soratako amin'ny penina, dia omeko anao satria
Diarintsika ireny no nataoko tononkalo

Na ny andro izay nanjombona, niaraha-nitomany
Na ny faharesena tao anatin'ny ady
Sarobidy ireny ka soratako ato ihany
Fa vona manamafy ny tohin'ilay tady

Niainantsika ireny, atao anaty diary
Fa tsy azo natakalo, nafindra na soloina
Ka dia nosoratako, nasiako feo sy sary
Mba tsy ho voafafa intsony, mandrakizay tsaroana.

Vonjisoa ANDJANIRINA
--------
Rohy:
534 1
Hametraka hevitra
Midira aloha
Momba ny tononkalo
Mpanoratra : Vonjisoa ANDJANIRINA (RNMv)
Nampiditra : Vonjisoa-Andjanirina
Daty : 01/12/2020 14:25
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.012