FANANTENANA - Vonjisoa ANDJANIRINA (RNMv)

Azo vakiana?

Niandry ny ampitso ka indro tsy niova
Ny fotoampiavin'ny volana ambony
Mitsinjo ny tany malalaka ambany
Manaitra ny mason'ny mbola matory
Izaho irery sisa no hany miandrandra
Ny fahafenoany malaky mba hitsinjo
Eo ampototry ny hazo izay fiantorahako
Amin'ny karazan-javatra tahak'itony
  
Toa mora malazo lay raozy naniry
Voatondraky ny ranomaso matetika
Teo an-jaridainan'ny fitia tsy antenaina
Nana-antitra tsilo nandratra ny fo.
Ny anjara masoandrony no nampalazo
Ny raozin'ny foko manomboka hamelana
Ka zary penina mazoto tsy irahina
Hanoratra hameno ny diarin'ny foko

Nalaiko ny tenin'ny FANANTENANA
Handrehatra jiro hanazava ny diako
Hamaky ny onjan'ny alina maizina
Dia lalana an-drano tsy tazan'ny volana.

Hametraka hevitra

Midira aloha

Mombamomba

Mpanoratra : Vonjisoa ANDJANIRINA (RNMv)

Nampiditra : Vonjisoa-Andjanirina
Daty : 11/06/2019
Mpamangy : 493
Mankafy : 1

Tononkalo hafa

Antson' ny fasana
LASA IANAO
ITY RAOZY ITY (AVELAKO HO ANAO)
VELOMA (AVELAKO HO ANAO)
REDIREDY
NENY
VELOMA
RAOZY MAINA
AVELAKO HO ANAO
MBA TSIDIO