Heviny hafa (Vonjisoa ANDJANIRINA (RNMv))

Mbola tsisy niantsa

Hangataka antsa
(Nalaina tao amin'ny vetso.serasera.org)
Manjombona atoandro ny fiainana lasa
Mandrivotra mora, maneri-manify
Mandena hanafoana ny zava-kinasa
Mitsara-maneso ('lay) masoandro nidify

Misento ny fo sady latsa-tomany
Misento mora mikasa hisaona
Fa andro manjombona indray andro ihany
Dia ampy nanova ilay lohantaona

Ny hany tsy tsapan'ilay fo nangaina
Dia 'lay raozy mena izay nampaniriany
Raha anjara-masoandro no mba nantenainy
Dia erika kosa no an'lay tiany

Nisaina ho ratsy ka latsa-tomany
Kanefa ilay raozy voavoly fahiny
No nampatsiahy fa hoe fiainana izany
Fa efa voatondraka indray ka naniry.
--------
Rohy:
Sokajy : embona - fiainana
449 0
Hametraka hevitra
Midira aloha
Momba ny tononkalo
Mpanoratra : Vonjisoa ANDJANIRINA (RNMv)
Nampiditra : Vonjisoa-Andjanirina
Daty : 05/11/2020 09:51
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104