VELOMA FARANY (Vonjisoa ANDJANIRINA (RNMv))

Mbola tsisy niantsa

Hangataka antsa
(Nalaina tao amin'ny vetso.serasera.org)
Rehefa maty aho ka tsy afaka miteny
Aza ariana fa tehirizo ny sisa diatongotro
Saino andavanandro ireny teny ireny
Tohizo f'aza ajanona ny zavatra natomboko

Rehefa lasana aho ka mandeha mamakivaky
Intsony tsy eto an-tany, amin'ny habakabaka iny
Iny asa soratro iny, ataovy ho vinaky
Ataovy fahatsiarovana ho tsiaro ny fahiny

Rehefa lasana aho, tsy hiaona intsony isika
Ataoko f'efa ampy ireo karazantaona
Fahavaratra mijoy, ririni-mangatsiaka
Niainako daholo hatramin'ny lohataona

Rehefa lasana aho ka hody any amin'ny razako
Hiverina ho vovoka handao ity firenena
Paoly sy Jôhany, Jakoba efa tazako
Ny anjely Gabriela iny efa mitsena

Rehefa lasana aho, veloma mandrampihaona
Tsy maintsy hifarana eo izany fiarahana
Rehefa lasana aho, aza mba misaona
Fa tehizo k'aza ariana ity veloma farany.

REHEFA LASANA AHO
--------
Rohy:
806 2
Hametraka hevitra
Midira aloha
Momba ny tononkalo
Mpanoratra : Vonjisoa ANDJANIRINA (RNMv)
Nampiditra : Vonjisoa-Andjanirina
Daty : 04/09/2019 08:26
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0104