HOROY AHO (Zay LAFATRA)

Mbola tsisy niantsa

Hangataka antsa
(Nalaina tao amin'ny vetso.serasera.org)
Fantatrao tsara,
Izay tiako hambara
Eny na fijery,
Dia nanosika ahy hanery...
Hilaza zavatra ambony,
Mitohetra tsy mitony,
Any anatiko any,
Dia ilay fitiavana izany.

Ka aborako izy anio
miangavy aho valio,
fa tiko loatra ianao,
tena tiko tsotra izao...
tiko rehetra rehetra
manotolo tsisy fetra,
eny hatrany anaty,
dia hitia mandramaty.

tsy teny imolotra,
fa teny tsara tolotra,
vokatry ny foko,
niavosan-toloko.

Fa raha eny no eny,
dia ny tsia tsy fiteny,
aty amiko mantsy saho...!
raha tia enao dia horoy aho.

18 octobre 2016

Zay LAFATRA
--------
Rohy:
Sokajy : Fitiavana
1339 0
Hametraka hevitra
Midira aloha
Momba ny tononkalo
Mpanoratra : Zay LAFATRA
Nampiditra : nagaoka
Daty : 01/10/2018 18:42
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101