You are here: home > Vetso

Hevitra mikasika ny ILAY AMPITSO

Nampiditra : dadarabe
05/08/2009 00:41:11

Version hafa (nohavaozina) amin'ilay ampitso :

ILAY AMPITSO

Manonofy ampitso mamerovero fatratra ;
Manonofy lenda, diavolana tomaratra ;
Manonofy zina sy fararanom-bokatra ;
Manonofy tojo, tafakatra ny tohatra.

Manonofy sambatra, fotoana paradisa ;
Manonofy santatra sy mamy tsy hita isa ;
Manonofy taona ravaham-boninkazo ;
Manonofy miratra ventesim-bazovazo.

Manonofy akany mitohoka tantely ;
Manonofy lonaka manintona fijery ;
Manonofy taratra mandresy haizim-pito ;
Manonofy hatrany fa mino ilay ampitso !

DadaRabe
La Charité sur Loire
27/09/06

Nampiditra : Nirilala
05/08/2009 05:37:09

Samy tsara ny version roa, toa mitovitovy ihany. Ilay voalohany toy ny hoe nofy ao anatin'ny torimaso misy sarisary maro; ilay faharoa indray toy ny hoe faniriana.

Nampiditra : dadarabe
05/08/2009 10:00:02

Tena marina mihitsy ny voalazanao Nirilala à! Izay no namerenako azy satri rehefa nojereko dia ilay nofinofy faniriana ilay izy. Nefa samy manana ny heviny izy roa.
Izay fa misaotra é!

Nampiditra : Nirilala
05/08/2009 11:47:42

misaotra dadarabe fa tena hainao tokoa ny tononkalo

Nampiditra : dadarabe
05/08/2009 12:06:55

Ianao no isaorana mamaky. Raha tsy misy mamaky ny tononkalo dia toy ny valiha very fanahy ! ;-)

Nampiditra : maeva74
05/08/2009 23:45:17

Mahafinaritrany tonokalonao ry Dadarabe ! mampazoto koa ny miserantserana any amin' ny blaoginao.Misaotra nizara

Nampiditra : dadarabe
06/08/2009 00:08:01

Misaotra maeva74. Ny talentanao ihany koa ! ;-)

Nampiditra : Malita
23/04/2010 09:34:15

tena hainao ny manoratra, misaotra hatrany mizara eto

Nampiditra : dadarabe
23/04/2010 18:27:38

Misaotra Malita à !

Mirary soa

Nampiditra : Malita
24/04/2010 05:33:06

Tsy misy fisaorana fa ianao ary no tena isaorana, manome fifaliana sy mampanidina eny ambony eny ;-)

Nampiditra : dadarabe
25/04/2010 02:12:03

Dia miaraka manidina an-tononkalo é :))