You are here: home > Vetso

Hevitra mikasika ny Tsiky ve dia ampy ?

Nampiditra : hery
20/08/2008 11:13:43

Hmmm

Nampiditra : ANARIM
22/08/2008 15:07:55

hmmmm

Nampiditra : raozigasy
27/08/2008 10:59:44

MITSIKIA IHANY

Raha manetoka ny fery
Ka ny masonao mijery
Mila ho dibo-dranomaso
Noho ny sompatry ny ankaso

Raha mikombona ny molony
Fa tsy to ny famololon
Ilay fitia izay nantenaina
Ka zary rotika ny aina

Dia miezaha ianao mitsiky
Ary afeno na mikiky
Izay ratram-ponao lalina
Tsy natorianao mandrak alina

F ilay tsikinao iray iny
No hamafa ireto tsiny
Ka hamadika ho hery
Ilay tsiky saika very

Nampiditra : ANARIM
08/09/2008 12:03:04

ôhhhh misaotra

Nampiditra : endrika01
02/07/2009 05:19:44

Tsiky ve dia ampy!Mahataka-davitra ireo Poety!

Nampiditra : ANARIM
30/07/2009 07:02:23

tsy misy vidiny ny tsiky, nefa saro-bidy ao am-po ny fahatsiarovana apetrany! tsy mampijaly izay manolotra azy izy, nefa toa tena mahasambatra izay mandray azy! raha sendra mba mifanena isika indray andro any, dia sitrako tokoa ny handray ny tsiky avy aminao!

Nampiditra : raozigasy
05/08/2009 17:47:30

Tsy misy vidiny ny tsiky, Ary koa tsy mila tambiny
Ary azonao zaraina, Eny na ireo izay ambiny
Fa ilay tsikinao zinara, ilay sombin-tsiky iny
Dia efa hanamaivan-danja, ireo loza s’ireo tsiny

Tsy misy vidiny ny tsiky, nefa ny hafanana entiny
Dia efa ampy hampisava, ireo jaly sy ny pentiny
Fa ilay tsiky toraky ny fo, na dia fohy fiserana aza
Dia efa ampy hahafongana,ilay tezi-po mivazavaza

Tsy misy vidiny ny tsiky, nefa ny fizarana izany
Dia efa ampy hamafana, ireo potraka tomany,
Fa ilay tsiky izay nafoy, nomena tsy nilàna setriny
Dia hampivadika ilay jaly, k’ilay faly hody ventiny

Tsy misy vidiny ny tsiky, ka itambezoako anao,
Ndeha mba izarao izany, ny manodidina anao
Fa raha tsiky maromaro, no iarahana mizara
Dia mino aho fa tena ho betsaka ,ny fiainana no hihatsara

Nampiditra : mangamaso
05/08/2009 19:16:53


Mahafinaritra ireto tononkalonareo, mampitsiky.
Mankasitraka :-).

Nampiditra : ANARIM
10/08/2009 08:07:13

soa ihany!

Nampiditra : mangamaso
10/08/2009 08:31:58

Soa ihany fa misy ny tononkalo :-).

Nampiditra : Anarim
10/02/2020 16:10:06

Tsy misy vidiny ny tsiky, nefa ny hafanana entiny
Dia efa ampy hampisava, ireo jaly sy ny pentiny
Fa ilay tsiky toraky ny fo, na dia fohy fiserana aza
Dia efa ampy hahafongana,ilay tezi-po mivazavaza

Misaotra Raozigasy!