REHEFA AZONAO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
REHEFA AZONAORehefa azonao ny fihafiako
dia ho azonao ny fitiavako
mbola mamy sy mba tiako
ho anao ange raha vavako.
Rehefa azonao ny fijaliako
dia ho azonao ny ranomaso
tsy hay ambara sy fahoriako
ka nanafohy 'reo torimaso.
Rehefa azonao ny fanahiako
dia ho azonao ny adin-tsaina
mbola, indrisy, fangirifiriako
no sady izay mahasavolaina.
Rehefa azonao ny fanaviako
dia ho azonao izay fanafody
ilaina hatrany ka iangaviako
ho mpanaitaitra toy ny fody.
Fredy JAOFERA
--------
Rohy:
