ANJARA - ilery

Nofy fahazaza
Indray andro no nilaza,
Fa ianao ilay anjara
Voalazan’ny tantara.

  Natolon’ny mpanendry
  Ilay vady Hendry,
  Ka na ho mamy na hangidy
  Safidy fa tsy didy!

    Androany no ho tontosa
    Ny voasoratra hatry ny ela;
    Ka ho azy irery kosa
    Ny androko sisa tavela!

      Koa ‘ndeha àry hiara-dia,
      Hifampizara fitia;
      Hifanohana hatrany,
      Raha mbola eto an-tany!


       ilery
       Desambra 1999