You are here: home > Vetso

NY VOLA - J.J.F.

Ny vola

Ota mpandrafy ny foto-pisaina
Mahaefa ny faka any anatin’ny lalina
Hery masiaka voatakalo aina
Rindrim-baventy takalon’ny marina

Sandany tokana ivon’ny ady
Manda mpiaro ny fahamboniana
Iraka feno mandrava ny fady
Mpanapaka tadin’ny fianakaviana

Ozatra mafy sy maha rangahy
Mpanjaka voalohan’izay hokasaina
Poizin’ny fiainana ara-panahy
Fonja-pitiavana mampitaraina

Salolotra tokana ifampiderana
Mandetsy ny sain’ireo tia doladola
Fiaina-mandavon’ny fahatanorana
Ireo no mba sombiny hoentin’ny VOLA

Ny sata ijoroana niova tokoa
Izany no atao hoe : « ilay fandrosoana »
Vao nisy ny tsara dia very ny soa
Ny VOLA no indro natao itompoana

07-nov-2012

Mombamomba

Mpanoratra : J.J.F.


Nampiditra : J.J.F.
Daty : 25/12/2014
Mpamangy : 784
Mankafy : 0
Ankafizo

Tononkalo hafa

TSIKY
...RAHA POETA IANAO
ITY HIRAKO
'LAY

Hametraka hevitra

Midira aloha