...RAHA POETA IANAO (J.J.F.)

Mbola tsisy niantsa

Hangataka antsa
(Nalaina tao amin'ny vetso.serasera.org)
…RAHA POETA IANAO
( Atolotro ho an’ireo Poeta sakaiza rehetra)

Nandalo teo imasoko tanaty onjam-peo
Navadiko ny boky dia indro koa naneho
Fa Poeta hono ianao
Poeta ve ianao
Ka izao tontolo izao
Sy ny voary manontolo
No ho raketinao daholo ?

Poeta ve ianao
Ka iny volana iny
Iny habakabak’iny
No andaninao herim-po ?

Poeta ve ianao
Ka hamorona ny tsisy
Hambaboana izato fony ?
Sy hitaky koa ny zony ?

Poeta ve ianao
Ka ny masony efa bongo
Nosomparan’ny ankaso
No fafanao ranomaso ?

Poeta ve ianao
Ka vonona hifandramatra
Hitondra izay filamatra
Hanompo firenena ?
Dia mitodi-doha
Ho an’ilay Tsitoha
Hisim-pahaleovan-tena ?

Eny, azo atao,
Fa Poeta koa ianao
Raha indro ka manolotra
Eo am-poto-molotra
Ilay teny mankahery
Ireo sahy manao vivery
Hamonjy ny Mahantra.


30 Aogositra 2012
--------
Rohy:
Sokajy : Ny maha Poeta.
1009 1
Hametraka hevitra
Midira aloha
Momba ny tononkalo
Mpanoratra : J.J.F.
Nampiditra : J.J.F.
Daty : 26/12/2014 14:48
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0096