You are here: home > Vetso

Alina mangina - Mampikanto

ALINA MANGINA

Tao anatin’ny fahanginan’ny tontolo
No angalako sary an-tsaina
Ilay tsikinao malefaka
Sy ny endrikao toa tsy voasolo

Nanajana ny safidy
Tao am-po feno fahanginana…


Tsio-drivotra malefaka
No mba hany nanoina
Ilay antso mba hanampy
Ity fo toa vaky sy hitresaka!


Feom-piara iray nandalo
No nanimba ny fahanginana
Tao anaty haizim-pito
Toa tsy laitra ihodivirana


Dia tony indray ny zava-boahary
Zary gina teo indray ny tontolo !!!


Alina mangina, alina hafa kely
Mbola ho zary misitery
Sa hifono hevi-dalina
Dia ilay fitia saro-takarina

Ny safidy nokinasa, noratovina
Toa zary lasa honahona ???

Ny ho avy andrandraina
Sanatria ho very maina
Fa ny lasa nankafizina
Toa avela ho lasa tsy voafihina


Fiainana hafa kely !!!
Nefa toa tinapaka ny fery

Mampi-kanto 29/08/2003 à 23h55

Sokajy : Fitiavana

Mombamomba

Mpanoratra : Mampikanto

Nampiditra : mampikanto
Daty : 04/10/2003
Mpamangy : 5669
Mankafy : 0
Ankafizo

Tononkalo hafa

TSY FANTATRAO!!!
ANY IANAO
FANTATRO!!!
Antso!
Serasera
Lazao
Tia
Safidy
Ho inonao !
Tonokalo ho anao

Hametraka hevitra

Midira aloha