Hampiditra tononkalo

HASINIAINA

FO TIA

Raha lazaiko anao izao ny fidoboky ny foko
Dia mahatoto vary toy ny laona sy fanonto
Ary tena mivaivay sy mitempontempo
Ka na vy mahery aza azony tonga dia miempo
Raha lazaiko anao ny foko izay mitia
Tsy mahay miova na mihatsara ivelan-tsihy
Fa lazaiko eto fa ny foko dia tokana
Tsy ampy hozaraina fa ho anao manokana

Raha lazaiko anao ny foko rehefa manina
Tsy azoko ny aiko fa izaho toa fanina
Ary mila hianjera hidaboka amin'ny tany
Tsy tantiko intsony ka rotsaka tomany

Raha lazaiko anao izao ny fitiavako
Dia tena potika aminao mihintsy re rahavako
Ka tsy misy analana na dia sombiny aza
Ka aza manana ahiahy fa izay no voalaza


Raha lazaiko anao ny ato am-poko rehetra
Dia fitia miavosa fa tsy misy fetra
Tsy azo atakalo na koa zarazaraina
Fa ho anao irery ihany ry sombiniaina


HASINIAINA