Hampiditra tononkalo

sanga

MBA TAZANO

Mba tazano e! Mba tazano
Aza avela hikoriana toa rano
Izahay vahoaka aty ambany
Fa mosarena sy tomany

Ny anareo ao ambony ao
Efa milamina izay natao
Ny ambanilanitra koa omeo anjara
Fa toa ratsy karakara

Tadidio fa Nosy iray Gasikara
Tsy tianay ho voazarazara
Ho antsika ny vita soa sy ny tsara
Mba tsy ho tsarain'ny tantara

Zo sy saranga itoviana
Ao koa ny firaisan-kina
Koa mba tazano mba tazano
F'aza avela hikoriana toa rano.

Sanga. 9/05/2007.