Ny fisianao ((2.8.4.6.3.8.8.3))

Mbola tsisy niantsa

Hangataka antsa
(Nalaina tao amin'ny vetso.serasera.org)
Fony mbola kely aho, mamy ery izato fiainako
Tsy mba niasa saina akory, tambin-dray no hany niainako.
Dia nandeha izato taona, sara-dray, sara-pitiavana
Nangirifiry ery ny niaina, sara-toerana, sara-namana.

Saingy natao akory moa, tsy maintsy niatrika ny sedra.
Lavitra ilay ray niteraka, lavitra rendrarendra.
Saingy tao anatin'izany no nahitako anao malalako.
Ianao izay nanalavitra ahy tamin'ny alahelon-tavako .

Ny tambitambinao malala no nanasitrana ny ratra .
Irony vavakao ombieny ho ahy nanampy ho hery nampitraka.
Ny tanana natolotrao, fihetsikao tsy ho hadinoiko
Koa manomboka izao , tsy misy sedra tsy ho tolomiko.

Sambatra aho manana anao eo anilako malalako.
Raha ny ato am-poko indray, hitia anao araka izay tratrako .
Tsy hifanadino isika, fa raha izaho dia efa anao,
Fa fanomezan'Andriamanitra tamin'ny fiainako ianao !
--------
Rohy:
Sokajy : Fitiavana
2035 0
Hevitra mandeha
jentilisa ( 06/09/2005 15:51)
mba tsara malala koa ianareo koa!
Hametraka hevitra
Midira aloha
Momba ny tononkalo
Mpanoratra : (2.8.4.6.3.8.8.3)
Nampiditra : miranda
Daty : 06/09/2005 12:02
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0095