Toy ny Afo novonoina (aina)

Maninona ianao Ratovolahy
No mitsikitsiky ahy toy izao?
ny oroko maratra ve sa
Ny tarehako marary no tazanao?

Maro izany eso, latsa, natorakao ahy
"Tsy mendrika ho anao aho" ho ianao ka sahy
Teny mandratra fo, no nolazainao ahy
Teny mahamay, manadoro ny fanahy

Ny fitiavana hono tsy vitan'ny fanahy irery
Fa ilaina ko ny fahantsaram-bika sy tarehy
Izany no mba lesona azoko taminao
Olombelona iany anie aho, ka aza mba ato toy izao

Indrisy teny malemy, fihetsika mahate ho tia
No omenao, anireny vehivavy sasany ireny
Ny foko anefa jamba mitempo ho anao
Toy ny afo niredareda ka novonoinao
--------