Ianao ilay mpiatsaravelatsihy (Aleo mitraka)

Tsy ny fampiononana entinao akory
No hampitony ijato foko ory
Sao dia diso ianao

Tsy ny tsikim-piatsaram-belatsihy asehonao amiko
No hampamirapiratra ny handriko
Fa ny fihetsikao manao tsindrio fa lavo
An’ity fiainako efa malazo
Dia hery hanohizako ny lalako
Hikatsahako ny hasambarako

Na dia izany anefa
Dia mahaiza mamindra ihany
Fa malama maina ny tany
--------