Fony ianao tsy mbola hita (ANONYME)

Mbola tsisy niantsa

Hangataka antsa
(Nalaina tao amin'ny vetso.serasera.org)
Fony ianao tsy mbola hitako
na somary nanjavozavo
dia nisy drafira efa vitako
mba niriko hisandratra avo.

Tonga ianao hoe hiara-hanangana
fa ho atao lapa iombonatsika.
Ny birikiko lany tarangana
ny anao kay zara fa nipika.

Eny, tsy mbola nonenana
dia narodanao tsy hisy hijoro.
Ianao raha teo tsara fiafenana
f'izaho no tototra sy toro.

Ny ahy izy rehetra simba tao,
na trano bongo aza, tsy ahavita.
Tsy mba nitahiry toa anao,
Misy anangana ery ampita.

Izay tsy tapaka mba sisa,
mbola nangalanao teo.
Tsy ahavita inona,tsy ampy isa
fa hitorahako anareo.

Raha mbola tsapako aho hoe resy,
na mbola ho am-polo taona,
dia mbola hisy toraka hisesisesy
hitatao anao eny foana.

Na iza hanakana sy hiteny,
na hivarotako fanahy,
ho valiko avo folo heny
izay nampisedrainao ahy.
--------
Rohy:
659 0
Hametraka hevitra
Midira aloha
Momba ny tononkalo
Mpanoratra : ANONYME
Nampiditra : poeteX
Daty : 14/09/2019 11:10
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101