Raha te ho sambatra (Claude RANDRIANANTENAINA)

Raha te hitady hasambarana
sy te hamboly fifaliana
Te hanala hasasarana,
sy te hanala fanaviana,
dia esory tao ny fo !

Raha te hitady fitoniana,
tsy te hahita fijaliana,
te handamina fisainana
tsy hiventy fitarainana,
fitiavana tsy atao an-doha !

Tsy te hahita fahoriana ?
foano koa ny faniriana.
Raha tsy te hivaky loha,
esory tao ny ati-doha !
dia matory tsy mifoha !

Raha te hiadam-poana,
ka tsy te hiahiahy,
te handroba fa tsy sahy,
te hatavy te hifahy,
dia esory ny fanahy !

Fa ho tretrika ianao ! ...
--------