MIKOLO (Co-ia Iavotriniaina)

Mikolo

Mikolo Ilay nikendry ny soan'ny fireneny!
Izy Ilay nilaza hoe:" raha maty aty aho NENY Dia ho an'ny Tanindrazana".
Izy ilay nijoro fa, tsy fotsiny nitazana.
Leo ny rano tsisy sy ny jiro tapatapaka,
Mafy ny fianarana, fa ny harapaka androany, tadiavina rahapitso.

Manaintaina ny vatany, kanefa manantena,
Fa tolona iny androany saingy ho an'ny firenena dia nataony tamin'ny fo!
Latsa-dranomaso, nitaky ireo zö,
Nampitondra teny miakatra ho an'i Andriamatoa Filoha.
"Mijaly izahay, mijaly", Eny tena resy!
Izany rehetra izany dia nataony am-pahendreana fa tsy nihoatra ireo fefy!

Nijohy ny ranomaso, ontsa erÿ fo.
Notafiny ny haren-tsaina dia niatrika izy aloha, hisolo Vava ireo vahoaka!
Tsy vitanareo hoy izy raha sôsety no hatao laoka,...
Dia ianao tsy tafavoaka raha tsy teo ireo mpampianatra,
Tolona no làlana fa ity no atao filamatra hoe:" Fitiavan-tanin-drazana".

Lesona azo tsoahina sy hafatra hampitaina: Mahaiza mitaraina!
Gasy isika gasy, ary aoka tsy horobaina ireo kely hanantsika,
Eny, sitrako sakaiza raha tsisy Rä mandriaka!!

Co-ia(28/09/2025).
--------