ILAY SAMBOKELINTSIKA. (Desirelyaime)

Mbola tsisy niantsa

Hangataka antsa
(Nalaina tao amin'ny vetso.serasera.org)
ILAY SAMBOKELINTSIKA.

Tapa-kevitra isika
Hiara-hita an-tsambo lay
Tony botry mitsorika
Eny anivon-drano iray.
Niara-dia nifampitantana
Nanatona ny moron-drano
Io no tena fisandratana
Nahasolo ny tso-drano.
Dia nizotra izany dia
Nony niainga samy faly
Nifandray nifankatia
Tsy mba ory na nijaly .
Nihomehy ,nikakakaka
Nifampisangisangy koa
Nifandray, nifampizàka
Ny toetra ratsy sy ny soa.
Rano misamboaravoara
Indraindray zary tony
Io \'lay sarin\'ny tantaran\'
itony fiainantsika itony.
TAMPOKA!!!!!!
Indro teny anivon-drano
Injay ny loza fa niantefa
Ianao afa-nilomano
Namonjy sambokely hafa
Tafio-drivotra mahery
Nanafotra ny vatantsika
Ireo fivoy indro very
Ny SAMBOKELY koa tsy hita.
Izaho irery sisa niady
Nanohitra ilay tafiotra
Fa indro fefika sahady
ILAY SAMBOKELINTSIKA .
Rendrika aho ,niantsambotra
Niantsoantso hoe\"vonjeo\"
Fa ny trondro no nisambotra
Namaly ny antso mitoreo.
Rendrika aho ,nitomany
Nitoloko samirery
Tsy voatanisako izany
Fa ataovy tsianjery.
Rano manga manjepizepy
Hany sisa mavamavana
Nangina sy nipepipepy
Namolivoly ny fon-kavana .

Tapaka fivoy teny anivon-drano
ILAY SAMBOKELINTSIKA ry malala
Ka ny nofin-tokantrano
Zary nofy nanadala .
Indro ianao irery sisa
Nanohy ny fiainanao manokana
Namerina namisavisa
Fa nafoy Ikalatokana .
Kibon-trondro mankadiry
Rindrina manalasala
Io no trano mitahiry
Itony nofo mamanala .
Nifarana eo izany dia
Nefa ombay ny fivavahana
Ny hanadino sanatria
Na dia misy fisarahana .

Nosoratana ny 12 -8 -2007.
--------
Rohy:
1149 1
Mpakafy: aivetinakely
Hametraka hevitra
Midira aloha
Momba ny tononkalo
Mpanoratra : Desirelyaime
Nampiditra : desirelyaime
Daty : 13/09/2007 08:09
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0214