antso (dina-vikarozy)
Mbola tsisy niantsa
(Nalaina tao amin'ny vetso.serasera.org)
Miantso anao ry Ray Ity mpanota efa very
Tsy mahita ifaharana
Tsy mahalala fahasambarana
Ireo fahadisoana efa vita
Sy ireo heloka rehetra
Hifonako eto Tompo o
Aoka Ianao hamindra fo
Tsy ho vitako hafenina
Eo imasonao ny nenina
Aoka Ianao hiantra ahy
Fa marary ty fanahy
Aza avela aho hatsiaro
Ireo ratrako taloha
Aoka Raiko, alaharo
Fa Ianao no lay tsy toha
K’ ireo andro sisa Ray
izay mbola homenao ahy
dia hoentiko hiderana Anao
fa izay no sitrakao
23/08/05
--------
Rohy:
Sokajy :
Vavaka