Sahy (FILIGASY)

Raha izaho mantsy sahy
sahisahy fanahy
dia izaho lena
navembenan'
iny rotsak'oran'iny
dia nobitsihiko tao an-tsofiny :
"sakambino aho fa mangatsiaka"
nef'izaho tsy sahy
fa be ahiahy
dia or'iray mahery
resaka sy fijery
ary eritreritra nanidina
no nanafana ny fihavian'ny aizina
izaho sy ny foko anefa amin'io mangatsiaka !
dia las'izy avy eo
izaho tavela teo
tandindony sisa nandondona
s'ireo soroko nangorangorana
hikitik'indray izao ny nenina
fa nisy faniriana nafenina
--------