AKANJO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
AKANJOAkanjom-pahatsorana
no eto hatrany itafiana,
n'aiza n'aiza re izorana,
hoy aho am-pitsikiana.
Akanjom-pahendrena
mampihaja lalandava
mbola sarotra hosena
raha ambara mazava.
Akanjom-pilaminana
tsy mba tia korontana
fa maro fanambinana
tsy mba hay ongotana.
Akanjom-pahalemana
manalavitra irony ady
tsy tia ny rendremana
rehefa te hanadihady.
Fredy JAOFERA
--------
Rohy:
