ALAIM-PANAHY (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
ALAIM-PANAHY





Alaim-panahy aho indraindray
hitaditady anao indray
n'aiza n'aiza izany,
hamerina any ho any
ny andro izay taloha
niarahantsika roa
raha fony hoe nianarana
ny tiana ho hasambarana.




Alaim-panahy aho ka aiza
ianao fa ny mitaiza
feno fahatsiarovana
azontsika arovana,
azontsika atambatra
amin'ny fo tsy miambatra
ho tonga paradisa
sy ny sisa sy ny sisa ?



Alaim-panahy aho ka tiako
'zay midona ho fijaliako
fa nofy tsy ho tanteraka,
na dia nampiteraka
sy mbola nampitsiry
ilay fitia tsy firy
fony isika niaraka
fa tsy tafasaraka.





Fredy JAOFERA
--------
Rohy:
Sokajy : Fitiavana
1336 0
Hevitra mandeha
rake ( 24/08/2006 09:54)
Mahavariana ny amoahanao an-teny ny ao am-po toy izao ,izay mpahazo ny ankamaroan'ny olona ,zay tsy hay ambara! Félicitations!
Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 24/09/2005 16:21
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101