ALEO MIALA (Fredy Jaofera)

Mbola tsisy niantsa

Hangataka antsa
(Nalaina tao amin'ny vetso.serasera.org)
ALEO MIALA




Rehefa ny apoaka,
tsy mahafa-po vahoaka,
tsy ahitana toky
na kibo mety voky ;
toa tsy mankahery
fa mainka koa mamery...
Inoako fa tsy mety,
na aiza ianao no hitety
ny fitondrana misy,
saino izany ...Indrisy !



Rehefa ny afitsoka
no mainka koa mihitsoka,
mandentika tanteraka
ny mponina efa reraka,
'reo olona efa resy
sy mitsemboka misesy...
Inoako fa tsy izay
no lalana indray
azo antenaina,
hita hoe ilaina.



Rehefa ny atao
no mikatso lava izao
hamoronan-dainga
f'efa nisy bainga
azontsika atambatra
mbola hoe hahasambatra...
Inoako fa tsy tsara
ra' ho an'i Gasikara
ny handefitra ihany,
ny hipetraka hatrany.





Fredy JAOFERA
--------
Rohy:
Sokajy : Politika
2160 1
Hevitra mandeha
andriary ( 18/03/2005 14:26)
Iombonako hevitra!

Iny izy natao mpanjaka
Nisonenika fa hiaka-dapa

Nitehafana nipopoka
Kinanjo nampahory vahoaka!

Niloka ho mahay mitondra
Dia nitsinjaka mbamin'ny apondra
Fiadanana nampanantenaina
Kinanjo namela-tehamaina!

Nolaiza fa tondraha-dronono
Hay kobaka atao tsara fono
Lazaina fa tantely any an'ala
Hay ranon-geroka manalasala

Dia noroahana ny tompo-trano
Fa sao idiran'angano
Dia nantsoina ny akama fahiny
Hatramin'ny biby vahiny!

.....



andriary ( 18/03/2005 14:26)
Iombonako hevitra!

Iny izy natao mpanjaka
Nisonenika fa hiaka-dapa

Nitehafana nipopoka
Kinanjo nampahory vahoaka!

Niloka ho mahay mitondra
Dia nitsinjaka mbamin'ny apondra
Fiadanana nampanantenaina
Kinanjo namela-tehamaina!

Nolaiza fa tondraha-dronono
Hay kobaka atao tsara fono
Lazaina fa tantely any an'ala
Hay ranon-geroka manalasala

Dia noroahana ny tompo-trano
Fa sao idiran'angano
Dia nantsoina ny akama fahiny
Hatramin'ny biby vahiny!

.....



Hametraka hevitra
Midira aloha
Momba ny tononkalo
Mpanoratra : Fredy Jaofera
Nampiditra : 3004
Daty : 18/03/2005 00:05
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0105