Amiko ny vady.... - Fredy Jaofera

Azo vakiana?

Amiko ny vady raha tsorina fa tsy afenina

dia azoko amborahana ny sarotra tenenina;

amiko ny vady raha sendra ka tsy mirana

dia afaka hampisinda ny zava-manahirana;

amiko ny vady raha malama no irobohana

dia azoko itokiana sy vonona hifanohana;

amiko ny vady raha lavo foana sy misesy

dia afaka hampiarina ho olona mpandresy;

amiko ny vady raha nofidina sy notoavina

dia tokony hahay hanaja ny efa notiavina;

amiko ny vady ra’tsy mankasitraka ny atao,

manan-tsaina hanitsy fa tsy avy dia mandao;

amiko ny vady raha tsy mendrika ny hohosena

dia loharanon’ny taranaka no sady volamena;

amiko ny vady raha toa isaorako ny Lanitra

dia azoko inoana fa avy amin’Andriamanitra;

amiko ny vady ra’andrandraiko ho hasambarako

dia mazava loatra fa hitondra koa ny anarako.

Hevitra mandeha

moi (03/12/2003 07:37:08)

Mandinika aho sao mbola misy adino ...
Na izany aza :
Tsy ataoko tsianjery fa mba ho tanterako amin'ny vadiko.

mi12 (19/09/2005 09:37:13)

ireo mintsy le tiako holazaina fa tsy voavoako mintsy! misaotra

Mombamomba

Mpanoratra : Fredy Jaofera

Nampiditra : lanto
Daty : 22/11/2003
Mpamangy : 3501
Mankafy : 3

Tononkalo hafa

MISAOTRA NY MARAINA
LITERATIORAN'NY MASO
REHEFA MAHORY
TSAROAKO FOANA
NY POETY (2)
NY FAHATSORANA
SAFIDIM-PIRENENA
SAKAFON-TSAINA
TSY MISY AFA-MAINA
AZA IFIKIRANA