AMPIANARO (Fredy Jaofera)

AMPIANARO




Ampianaro izy hifaly
rehefa ory izato fony 
tsy hamelona ny jaly
fa eo kosa hampitony.




Ampianaro izy hihira
rehefa be ny ranomaso
tsy ho any an-dakira
hifokofoko fa an-kaso.




Ampianaro izy hijoro
rehefa kivy lavareny
fa misy olona mpanoro
manohana azy ombieny.




Ampianaro izy hitraka
rehefa mafy ny diaviny
tsy ho resy na ho vaka
fa hihiratra ny hoaviny.





Fredy JAOFERA
--------