ANDEFIMANDRIKO (Fredy Jaofera)
Mbola tsisy niantsa
(Nalaina tao amin'ny vetso.serasera.org)
ANDEFIMANDRIKOEfa hatrany am-piandohana
no efa didin’Andriamanitra
fa anjara soa be hatsarana
iny atao hoe : Veromanitra.
Mbola tsy hita nisy akory
‘tony biby sy ny voahary
dia efa nipetraka natory
ny fiarahanay an-tsary.
Tsy fantatra avy ny Olona
dia efa narindra ny izahay
hidoladola sy hamololona
eto an-tany mpampiray.
Mahavariana mahafinaritra
ny anjara, lahatry ny Avo ;
ka saotra lava no tsy aritra
fa sambatra aho sy ravo.
Fredy JAOFERA
--------
Rohy:
