BARAMBA (Fredy Jaofera)

BARAMBA




Manelingelina ny fiara
no tia mibahana arabe,
izy ireny raha tsy tsara
hita eny mandehadeha.



Tsy matahotra olona avy
amin'izay asa tanterahina,
fa mainka aza te hiangavy
hanan-toerana horesahina.



Tsy mifidifidy holemana
rehefa iny natsaka rano
na mitondra fahalemana
fa mandoza an-kitsirano.



Tsy mety lalaovina eny
raha feno be ny entana
sao handratra lavareny,
hoy ny fo izay mientana.





Fredy JAOFERA
--------