ENTINAO (Fredy Jaofera)

ENTINAO





Ny haravoana entinao
dia hazavana mitaona
ny tontolo tsy mandao
itony ora lavi-tsaona.




Ny sangisangy entinao
dia hasambarana izany
mahafinaritra raha vao
iarahana eto an-tany.




Ny tambitamby entinao
dia mampitony marina
mampiranga ireo lalao
raha indro re itarina.




Ny tena fitiavana entinao
dia mampatoky ny saina
tsy hampipoitra raorao
manimba raha lazaina.





Fredy JAOFERA
--------