FANANKINANA (Fredy Jaofera)

FANANKINANA




Ny fanankinana amin’ny Ray
ny hoavy rehetra rehetra
no ahafahanao mandray
ny soa tsy misy fetra.



Ny fanankinana amin’ny Ray
‘reo tebiteby mafy anaty
no hanova toa tsy hay
an’ireny ka soraty.



Ny fanankinana amin’ny Ray
‘reo sentosento hatrany
no toky tsy hanafay
hanolo ireo tomany.



Ny fanankinana amin’ny Ray
‘reo tolona isan’andro
no antoka eto hivay
hisian’ny masoandro.




Fredy JAOFERA
--------