FANTATRO (2) (Fredy Jaofera)
Pas encore lu
(Nalaina tao amin'ny vetso.serasera.org)
FANTATROFantatro fa diso ny lalana asainy
izoran'ny safidim-poko
ka aza gaga raha tsy hita lalainy
fa olona efa tsy inoako.
Fantatro fa diso ny toky tadiaviny
tsy maintsy anajako azy
ka tsapako fa ho ratsy ny hoaviny
raha tsy mivazivazy.
Fantatro fa diso ny tsiky natolony
hanakonany ny marina
ka halako re fa na dia ny molony
nanozona ahy hivarina.
Fantatro fa diso ny saina kendreny
ambarany ho mahasoa
ka aleoko mandeha tsy ho be teny
sao poizina hahavoa.
Fredy JAOFERA
--------
Lien:
