FEOM-BORONA (Fredy Jaofera)

FEOM-BORONA





Feom-borona any ho any
no manaitaitra torimaso
hamoha eto tsy hita lany
ireo adidy tsisy andraso.



Feom-borona any ho any
no manetsika ny tanako
hanoratsoratra aok’izany
‘zay ambara ho fiadanako.



Feom-borona any ho any
no miantsoantso te hihira
hamerimberina am-binany
ireo nataoko ho sovenira.



Feom-borona any ho any
no manainga hiasa indray
fa andraikitra eto an-tany
tsy azo ialana sy mivay !





Fredy JAOFERA
--------