FITIA MIFAMALY (Fredy Jaofera)

FITIA MIFAMALY





Fitia mifamaly
mahatsara fihavanana,
tsy vao omaly
no mendrika ho tanana.


Ka hajaojao,
na ahoana na ahoana,
fa efa natao
hahasambatra foana.


Tandrovy lava
ho harenan'ny miaina
hampahazava
raha toa savolaina.


Ataovy tigetra
fa aza andosirana
mbola hitoetra
ny soa mahamirana.


Ataovy filana
hahaiza-mamindra
mba higagana
no hafatra indrindra.




Fredy JAOFERA
--------